In diesem Jahr wurde das Erntefest von den Haselunder Landfrauen organisiert.
Vielen Dank für diesen schönen Abend.
Ein Dankeschön gebührt auch Ina und ihrem Team und DJ "Schaffi".
Wi haarn veel Spooß!
Alljährlich wird die Rückschau auf das vergangene Jahr von Harry Carstensen (Hanses) verfasst.
Die jungen Leute aus Haselund tragen diesen dann im Rahmen der Übergabe der Erntedankkrone vor.
Hier der diesjährige Beitrag - Vielen Dank lieber Harry!
Moin leeve Dörpslüüd hier op Friedensburg!
Köönt wi hoffen jem geiht dat wedder good
jem sind klor in de Kopp un hem nich schon nuch,
vun de Straat mit Dürchschütteln un Achsenbruch?
Nu könnt jem sik erhaaln,- bet hin to de morn
un dat Erntefest richdi schön begaan.
Wi junge Lüüd övergeven gliek in ole Tradition
unse schön schmückte Erntekroon.
Doch laat uns nu eerst mol över´d Klima dit Johr nodenken.
Köönt jem uns dorför wull een beten Tied schenken?
Hett hier een watt vergetten oder verpasst,
denn hört man to, dat is keen Last.
Al de Dezember kreeg sien deepe Frost,
naher harrn wi sogor noch Schnee in de Post!
Dormit weer dat avers ok gau to End.
So keem düüstern Harvstwetter, wat wull jeder kennt.
De Wetterbericht bruukte man sik nich anhörn,
de weer doch meist immer falsch, kunnst di mit vertörn!
Un de April weer uns ok nich hörig,
liekers wurr man doch in Gorden un Koppeln röhrig
Man keem wat later op de Stieg,
avers doch immer noch rechtiedig.
De veele Regen in Winter un Fröhjohr weer ganz good,
denn nu wurr´d dröög, wi keemen doch in Not.
So weer de erste Schnitt noch passabel,
de tweete avers doch miserabel.
Dor dee sik de dritte Schnitt wedder lohn´n.
Avers ok dor, as immer schon:
Musste Kollund över „Regen lieden“,
kunn dat in Haselund un Brook ganz anners sien.
Erst de Juli schickte uns Landregen,
wat weer dat een grote Segen.
An´n End avers...vun wegen Segen!
Blots noch Regen, Regen, Regen!
Avers halt,- allns wull nu doch wassen, wurr knackig gröön!
Gras, Mais un Blööme, kraftvull un wunnerschön.
Anfang September weer de Summer torüch
för unse Seel, unse Leven een Glücksbrüch!
Buten sitten un de Warms geneten,
avers to laat för Roch un Weeten.
Is de Mais, wohl mit nuch Sunn un Regen, de grote Winner?
De Plant kreeg immer knapp to rechte Tied sein passend Dinner.
Dor kann man uk wedder seen, dat deiht sik sülms beheven,
an´d End hem wi doch immer nuch för unse Wünsche, unse Leven.
Dat Symbol vun allem is unse däglich Brot.
Dat kriegen wi doch noch immer ohne Not!
Un denn kiekt,- in uns Europa is Krieg! Dor kriggst een kole Schuur.
Krieg mit all de Verluste, Flucht, Hunger, Truur.
Wi hier tohuus dörm nahdenken, mitföhlen, avers uns geven?
De Balance moon wi holen för uns un unse Leven!
Dorum dörm wi ok fiern un Spaass hem,
unse goode Luun bruukt wi nich afgeven.
So wött wi jem ok nich mehr länger Trakteern
un mit unse Wöör peern.
Nich dat hier noch een vun de Stohl fallt,
dat weer rein Verseckerungstechnisch een Problemfall.
Wi wünschen nu Spaass, veel Schnack un een vulle Danzparkett,
fiern, schwiern un noch lang nich to Bett!
Un nu, wött wi ok de Erntekroon övergeven -
un wünschen jem all Freeden, Glück un Gottes Segen.
